2025-yil 19-sentyabr kuni Buxoro davlat universitetiga Hindistonning O‘zbekistondagi Favqulodda va Muxtor Elchisi Smita Pant xonim tashrif buyurdi. BuxDU rektori O.Xamidov Smita Pant xonimni universitetda tashkil etilgan Hind ta’limi va madaniyati markazida kutib oldi hamda universitet faoliyati, fakultetlar, ilmiy tadqiqotlar va xalqaro hamkorlik haqida ma'lumot berdi.
Uchrashuv davomida sun’iy intellekt, qishloq xo‘jaligi, turizm, biotexnologiya, iqlim o‘zgarishi, suv resurslarini boshqarish va to‘qimachilik kabi sohalardagi hamkorlik masalalari muhokama qilindi.
Shuningdek, Hindistonning yetakchi universitetlari bilan professor-o‘qituvchilar almashinuvi, qisqa muddatli stajirovkalar, grant va stipendiya dasturlari hamda Hind ta’limi va madaniyati markazi orqali madaniy va ilmiy tadbirlar tashkil etish imkoniyatlari ko‘rib chiqildi.
Tashrif BuxDU va Hindiston o‘rtasida akademik, ilmiy va madaniy hamkorlikni yanada rivojlantirishga xizmat qiladi.
