Buxoro davlat universiteti “Universal” sport majmuasida 1-bosqich talabalari ishtirokida “Rektor va yoshlar uchrashuvi” bo‘lib o‘tdi. Tadbirda universitet rektori professor Obidjon Xamidov boshchiligidagi rahbariyat a’zolari, tyutorlar hamda talaba-yoshlar qatnashdilar.
Uchrashuv doirasida “Besh tashabbus” va “Yangi O‘zbekiston olimpiya cho‘qqilari” musobaqalariga ham start berildi. Fakultetlarning qizlar jamoalari o‘rtasida voleybol musobaqasi tashkil etilib, sportchi yoshlar o‘z mahoratlarini namoyish etdilar.
Tadbir birinchi bosqich talabalari uchun yangi o‘quv yilini yuksak kayfiyatda boshlash, ular bilan yaqindan muloqot o‘rnatish va talabalarning tashabbuslarini qo‘llab-quvvatlashga xizmat qildi.
