Buxoro davlat universiteti vakillari Qozon federal universitetining Axborot texnologiyalari va intellektual tizimlar institutida uchrashuv o‘tkazdi. Suhbat davomida institut direktori Mixail Mixaylovich Abramskiy va innovatsion faoliyat bo‘yicha direktor o‘rinbosari Irina Aleksandrovna Maksimova bilan birgalikda qo‘shma ta’lim dasturlarini yo‘lga qo‘yish masalalari muhokama qilindi. Mazkur suhbatda BuxDU nomidan Qo‘shma ta’lim dasturlarini muvofiqlashtirish bo‘limi bosh mutaxassisi Umidjon Shuxratovich Tuxtayev ishtirok etdi.
Shuningdek, Qozon federal universitetining Xalqaro aloqalar, tarix va sharqshunoslik institutida ham uchrashuv bo‘lib o‘tdi. Suhbatda institut direktori o‘rinbosari, filologiya fanlari doktori, professor Svetlana Salavatovna Taxtarova bilan qo‘shma ta’lim dasturlarini ochish hamda xalqaro hamkorlik masalalari muhokama qilindi.
Uchrashuvdan so‘ng institut binosida ekskursiya tashkil etilib, ikki tomonlama hamkorlik istiqbollari yuzasidan fikr almashildi. Ushbu tashrif qo‘shma ta’lim dasturlarini yo‘lga qo‘yishda muhim qadam bo‘lib, talabalar uchun yangi imkoniyatlar eshigini ochadi.
