Buxoro davlat universitetida 2025–2026-o‘quv yilining boshlanishiga bag‘ishlab o‘tkazilgan tadbirda qator hurmatli mehmonlar ishtirok etdilar. Jumladan, Oliy Majlisning Inson huquqlari bo‘yicha vakili (ombudsman)ning Buxoro viloyat mintaqaviy vakili, falsafa fanlari doktori, professor Abira Amanovna, Pedagogika fanlari doktori, professor, I darajali “Mehnat Shuhrati” nishoni sohibi Siddiq Qahhorov, Oliy ta’lim, fan va innovatsiyalar vazirligining Buxoro viloyati hududiy boshqarmasi boshlig‘i Azamat Naimov, BuxDU professori, “Shuhrat” medali sovrindori Muxtor Amonov, “Muhammad Ismat” fermer xo‘jaligi rahbari Muhammad Ahmedov hamda boshqa hurmatli mehmonlar barcha birinchi bosqichga qabul qilingan talabalar hamda ularning ota-onalarini samimiy qutlab, ularga bilim va muvaffaqiyatlar tiladilar.
Shuningdek, tadbir davomida eng yuqori 189 ball olib universitetga talabalikka tavsiya etilgan talabalarga tashakkurnomalar topshirildi.
Ushbu kutib olish marosimi 1-kurs talabalari uchun nafaqat unutilmas lahzalar, balki yangi bilimlar sari ishonchli qadam bo‘ldi. Buxoro davlat universiteti kelgusida ham yoshlar uchun sifatli ta’lim va keng imkoniyatlarni taqdim etishda davom etadi.
