Buxoro davlat universitetining 95 yillik yubileyi munosabati bilan dunyoning turli mamlakatlaridagi oliy ta’lim muassasalari hamda xorijiy vakolatxonalardan BuxDU rektori Obidjon Xamidov nomiga samimiy tabriknomalar kelmoqda.
Jumladan, Turkiya Respublikasi Adana Alparslan Turkeş Fan va Texnologiya Universiteti Rektori Prof. Dr. Adnan Sözen, Avstriyaning Vena iqtisodiyot va biznes universiteti rivojlanayotgan bozorlar va markaziy hamda sharqiy yevropa bo‘yicha vakolatlar markazi direktori Dr. Dionisi Nikolov, Turkiya Respublikasi Artvin Çoruh Universiteti rektori Prof. Dr. Ibrahim Aydin, Rossiya Federatsiyasining Kazan davlat agrar universiteti jamoasi nomidan vaqtincha rektor vazifasini bajaruvchi I.G. Nuriev, Ispaniyaning Valensiya politexnika universiteti hamda Koreya Respublikasining Yeungnam universiteti Prezidenti CHOI oe-chool Ph.D., Ivanovo davlat universiteti rektori A.A.Maligin, Belorusiya milliy texnika universiteti rektori S.V.Xaritonchik, Gazi universiteti rektori Prof. Dr. Uğur Ünal, İnönü universiteti rektori Prof. Dr. Nusret Akpolat hamda Wakayama universiteti Prezidenti Mitsugi Motoyama nomidan yuborilgan tabriklarda BuxDUning 95 yillik faoliyati, ilmiy yutuqlari, xalqaro hamkorlik aloqalarining kengayib borayotgani alohida e’tirof etilgan.
Universitet jamoasi ushbu samimiy tabriklarni BuxDUning xalqaro nufuzini yuksaltirish va ta’lim-tarbiya sohasidagi yutuqlariga berilgan yuksak e’tibor sifatida qabul qiladi.
