Yozgi maktab dasturi doirasida Samarqand davlat chet tillar institutida bo‘lib turgan Italiyaning Neapol universiteti talabalari Buxoro davlat universitetiga ham tashrif buyurishdi.
Mehmonlarni Xalqaro hamkorlik bo‘yicha prorektor Abror Jo‘rayev kutib olib, universitet faoliyati, ta’lim dasturlari hamda yozgi maktab loyihalari haqida batafsil ma’lumot berdi. Talabalar uchun universitet bo‘ylab ekskursiya tashkil etilib, ular kutubxona va Robototexnika markazi faoliyati bilan yaqindan tanishdilar.
