Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasining bir guruh professor-o’qituvchilari Angliyadagi Norvich til o'qitish instituti tomonidan tashkil etilgan "Testing, Evaluation and Assessment" hamda "Teaching Teenagers" yozgi malaka oshirish kurslarida qatnashmoqdalar. Ushbu kurs Angliyaning Norvich shahridagi NILE - Norvich til o'qitish institutining tashkil topganiga 30 yil bo'lganligi munosabati bilan tashkil etildi hamda dars mashg'ulotlari til o'qitish instituti direktori Thom Kiddle, ko'plab ingliz tili darsliklari muallifi Dave Allan hamda Emma Heyderman kabi malakali professor-o’qituvchilar tomonidan olib borilmoqda. Darslar davomida o'quvchilar bilimini baholash usullari, ingliz tilini o’qitishdagi zamonaviy metodlarni o’rgatish bilan birga, kurs qatnashchilarining o’zaro tajriba almashishi asosida tashkil qilingan.
Kurslarda O’zbekistonlik professor-o’qituvchilardan tashqari Ispaniya, Italiya, Germaniya, Braziliya Yaponiya davlatlaridan tashrif buyurgan o’qituvchilar ham qatnashmoqda. Universitetimiz professor-o’qituvchilari NILE trenerlari hamda turli davlatlardan kelgan o’qituvchilar bilan tajriba almashib, sohaga oid yangiliklar bilan tanishmoqdalar. O'quv mashg'ulotlari juda mazmunli tashkil etilmoqda.
