O‘zbekiston Respublikasi Bosh vazirining o‘rinbosari, Oila va xotin-qizlar qo‘mitasi raisi Zulayho Bahriddinovna Buxoro davlat universitetida bo'lib, "Dolzarb 90 kunlik" doirasida universitetda amalga oshirilayotgan ishlar bilan tanishdi.
Shu bilan birga,
Buxoro davlat universitetida O'zbekiston mustaqilligining 34 yilligiga bag'ishlab, "Vatan uchun, millat uchun, xalq uchun" shiori ostida O'zbekiston Respublikasi Oila va xotin-qizlar qo'mitasi hamda Buxoro viloyati hokimligi bilan hamkorlikda "Iqtisodiy mustaqillikdan ijtimoiy faollik sari" mavzusida "Ayollar daftari" faoliyatining 5 yillik sarhisobiga bag'ishlangan tadbir tashkil etildi. Tadbirda O‘zbekiston Respublikasi Bosh vazirining o‘rinbosari, Oila va xotin-qizlar qo‘mitasi raisi Zulayho Bahriddinovna, Buxoro viloyati hokimi Botir Zaripov, Buxoro viloyati hokimi o‘rinbosari, b.f.d., professor H.T.Artikova, Buxoro viloyatidagi mas'ul rahbarlar, "Ayollar daftari"ga kiritilgan buxoroliklar, tadbirkor ayollar ishtirok etishdi.
"Bugungi kunda yuritilayotgan davlat siyosati zamirida xotin-qizlarga munosib sharoitlarni yaratish turibdi. Viloyatimizda ham muhtaram Prezidentimiz tashabbuslari bilan bu sohada qator islohotlar amalga oshirilmoqda. Jumladan, Ishsiz ayollarga va tadbirkorligini yo'lga qo'yish istagi bo'lgan ayollarga amaliy ko'mak berilmoqda. Xususan, imtiyozli kredit hamda bir martalik yordam pullari ajratildi. Biz xotin-qizlarning barcha sohada faol bo'lishini ta'minlashni burchimiz deb bilamiz. Buxoro xotin-qizlarining islohotlardan roziligi bo'yicha Buxoro tajribasini yaratishni o'z oldimizga vazifa qilib qo'ydi." - deydi Buxoro viloyati hokimi Botir Zaripov o'z kirish so'zida.
