Turkiyaning nufuzli Tokat Gaziosmanpasha universiteti rektori prof. Dr. Fatih Yilmaz, universitet prorektori prof. Dr. Yusuf Temur, San’at va fanlar fakulteti dekani prof. Dr. Alpaslan Demirlardan iborat delegatsiya Buxoro davlat universitetiga tashrif buyurdi.
Ushbu universitet QS Emerging Europe and Central Asia reytingida 2022-yilda 251-300 guruhidan o‘rin egallagan.
Shu bilan birga, THE Emerging Economics reytingida 2022-yilda 501+ guruhida bo‘lgan.
Tashrif davomida delegatsiya a'zolari Buxoro davlat universiteti rektori Obidjon Xamidov boshchiligidagi jamoa bilan uchrashib, ikki universitet o'rtasidagi hamkorlik doirasini kengaytirish borasida suhbatlashishdi. Universitetlar o'rtasida hamkorlik memorandumini imzolandi.
Memorandum doirasida universitetlar o‘rtasida o‘qituvchilar, assistentlar, tadqiqotchilar, mutaxassislar va talabalarning ilmiy-tadqiqot va ta’limiy yondashuvlarini qo‘llab-quvvatlash, mavjud aloqalarni rivojlantirish, ilmiy tadqiqot natijalarini birgalikda foydalanish va nashr etishga kelishib olindi.
Mazkur tashabbus nafaqat ikki oliygoh o‘rtasidagi aloqalarni mustahkamlaydi, balki ilm-fan, ta’lim va innovatsiyalar rivojiga ham xizmat qiladi.
