Buxoro shahriga 2025-yilning 11–15-iyul kunlarida Pokiston Islom Respublikasi olimlari tashrifi amalga oshirilgan bo'lib, ular orasida Buxoro davlat universiteti Kimyo va neft-gaz texnologiyalari kafedrasi bilan 2020-yildan o'zaro hamkorlikni yo'lga qo'ygan taniqli olim, Pokistonning nufuzli oliy ta’lim muassasasi — Mohammad Ali Jinnah Universiteti professori, Dr. M. Kamran Azim universitetga tashrif buyurdi va tashrif davomida kafedra magistrant, doktorant va professor-o'qituvchilariga beg'araz mahorat darslari o'tkazdi.
Tashrif davomida Dr. Kamran Azim professor- biotibbiy tadqiqot metodologiyasi, molekulyar biologiya va biokimyo sohasidagi zamonaviy ilmiy yondashuvlar, zamonaviy laboratoriya uskunalari bilan ishlash, eksperimental ma’lumotlarni tahlil qilish va ilmiy maqola yozish mavzularida interaktiv ma’ruzalar o‘qidi.
Ma’ruzalarining asosiy yo‘nalishlari quyidagilardan iborat bo‘ldi:
“Structure and Functions of Major Royal Jelly Proteins of the Honeybees”
“Scopus va Web of Science bazalaridagi ilmiy jurnallarda maqolalar nashr etish tartib tamoyillari”
"Ilmiy ma’lumotlarni tahlil qilish va statistik asosda izoh berish"
Ushbu tashrif institut ilmiy salohiyatini oshirish, xalqaro hamkorlikni kuchaytirish va yosh tadqiqotchilarni rag‘batlantirishda muhim qadam bo‘ldi. Shuningdek, Dr. Kamran Azim tomonidan S.F. Abduraxmonov, Q.G`. Avezov va O'.M. Mardonovlarning ilmiy ishlari doirasida sintez qilingan namunalarning biologik faolligini - bakteriya, zamburug' va saraton hujayralariga nisbatan Pokistonda tajribalarni amalga oshirib, natijalar asosida hamkorlikda Scopus bazasida indekslanadigan jurnallarda maqolalar tayyorlashga kelishib olindi.
Tashrifning dam olish kunlarida esa mehmonlar bilan Buxoroning Sayyid Mir Kulol va Bahouddin Naqshband ziyoratgohlariga borib, ziyorat amalga oshirildi. Bu esa shahrimizning turizm va diniy bag'rikenglik tamoyillari uyg'un omillar hamda ularning natijadorligini belgilaydi.
