+998 (65) 221 29 06

+998 (65) 221 30 46

Green Metrics University Rankings The Higher Education University Rankings QS Asian University Rankings

Yangiliklar

  1. Bosh sahifa  
  2. Yangiliklar  
  3. “Bitiruvchi bandligi – 2025” mehnat yarmarkasi ta…

“Bitiruvchi bandligi – 2025” mehnat yarmarkasi tashkil etildi.

12.07.2025

 Buxoro davlat universitetida hamda  Buxoro shahridagi Yoshlar markazida Buxoro viloyatidagi barcha bitiruvchilar uchun “Bitiruvchi bandligi – 2025” mehnat yarmarkasi o'tkazildi. Tadbir doirasida oliy ma’lumot talab qilinadigan vakant ish o‘rinlari taqdimotlari hamda mehnat yarmarkasi bo'lib o'tdi. Jumladan, viloyatdagi 200 ga yaqin tashkilotdan 500 dan ortiq bo'sh ish o'rinlari ishtirok etdi. Tadbirda Buxoro davlat universiteti rektori Obidjon Xamidov boshchiligidagi rahbariyat, universitet bitiruvchilari ham faol ishtirok etishdi.

Tadbir doirasida tadbirkorlik ko'rgazmalari va loyihalari bilan tanishuv amalga oshirildi. Shuningdek, BuxDU bitiruvchilariga tadbir davomida diplomlar topshirildi.

Tadbir doirasida Yoshlar ishlari agentligi, Buxoro viloyati hokimligi, Yoshlar-kelajagimiz jamgʼarmasi, Oʼzbekiston Respublikasi Oliy taʼlim, fan va innovatsiyalar vazirligi, OʼzMilliybank hamkorligida "Biznes marafon" oʼtkazildi. Muvaffaqiyatga erishgan tadbirkorlar bilan motivatsion seminar-trening avvalida viloyat hokimi Botir Zaripov so'zga chiqib, yurtimiz faxri bo'lgan bitiruvchilarni katta hayotga qadam qo'yganligi bilan qutladi hamda bitiruvchilarni manzilli ishga joylashtirish bo'yicha amalga oshirilishi lozim bo'lgan bir qator loyihalarni aytib o'tdi.

Shuningdek, seminar davomida Qorako'l tuman "Merganteks" paxta-to'qimachilik klasteri rahbari Ibrohim Haydarov, tashabbuskor tadbirkor ayol Mamlakat Sodiqova, O'zMilliy bank boshlig'i Obidjon Shodiyevlar so'zga chiqib yoshlarga berilayotgan imkoniyatlarni e'tirof etishdi.