Zamonaviy axborot-kommunikatsiya texnologiyalarining jadal rivojlanishi ta’lim muassasalarida mediafaollikni oshirishni talab qilmoqda. Shu maqsadda Buxoro davlat universitetida yangi mediastudiya tashkil etildi. Ushbu mediastudiya zamonaviy texnik jihozlar bilan ta’minlangan bo‘lib, universitet talabalarining ijodiy va professional ko‘nikmalarini rivojlantirish, ta’lim jarayonlarini keng yoritish, ijtimoiy tarmoqlarda samarali media kontentlar yaratish imkoniyatini beradi.
Mediastudiyaning asosiy maqsadi – talabalar, professor-o‘qituvchilar hamda universitet hayotida faol ishtirok etuvchi barcha ishtirokchilarning yutuqlarini ommaga yetkazish, shuningdek, yoshlarning media savodxonligini oshirishdir. BuxDU mediastudiyasi ilmiy, madaniy va ijtimoiy loyihalarni keng yoritish orqali universitet brendini mustahkamlashda muhim o‘rin tutadi.
BuxDU Axborot xizmati
