Bugun, 22-may kuni, Buxoro davlat universiteti kichik majlislar zalida “Zamonaviy tasviriy-pedagogik ta'limda an'ana va innovatsiyalar: izlanishlar va yechimlar” mavzusidagi xalqaro ilmiy-nazariy anjuman o'tkazildi. Konferensiyada BuxDU rektori Obidjon Xamidov boshchiligidagi rahbariyat, professor-o'qituvchilar, xorijdan kelgan olimlar, ilmiy tadqiqotchilar, doktorantlar hamda talaba-yoshlar ishtirok etishdi.
Anjumanni universitet rektori O.X.Xamidov kirish so'zi bilan ochib berdi. U nutqi davomida BuxDU San’atshunoslik va pedagogika fakulteti ilmiy salohiyati alohida ahamiyat kasb etishini ta'kidlab o'tdi.
Anjuman davomida Tojikiston Respublikasi Talabxo’ji Sattorova nomidagi milliy Konservatoriyasi professori Latifzoda Dilovar Narzishoh "Tojikiston Respublikasining musiqa ta’limidagi tendensiyalar: an’analar va zamonaviy rivojlanish masalalari" mavzusidagi ma’ruzasi tinglandi. Shuningdek, Chelyabins davlat madaniyat institutining ijtimoiy-madaniy faoliyat kafedrasi professori Safaraliyev Bozor Safaraliyevichning “Jalb etuvchi resurslar-madaniy-qo’zg’alish turini loyihalashtirishning asosi” mavzusidagi muhim ma’ruzasi tinglandi.
Shuningdek, Rossiya davlat pedagogika instituti professori Andiyenko Elena Vasilyevna, Urganch davlat universiteti professori Hojiyeva Maqsuda Sultonovnalar ham o’z ma’ruzalari bilan ishtirok etishdi.
