Bugun, 22-may kuni G'ijduvon tumani hokimi Ashurov Sherzod Raximovich boshchiligidagi jamoa, Buxoro davlat universiteti rektori Obidjon Xamidov boshchiligidagi rahbariyat, pedagog xodimlar, talaba-yoshlar ishtirokida uchrashuv bo'lib o'tdi.
Uchrashuvni universitet rektori O.X.Xamidov kirish so'zi bilan ochib berdi. U nutqi davomida "Hokim va yoshlar uchrashuv"larini tashkil etishdan maqsad yoshlarni ish bilan ta'minlash, imtiyozli kreditlar asosida tadbirkorlikni rivojlantirish ekanligini aytib o'tdi.
G'ijduvon tumani hokimi so'zga chiqib, tumandagi o'zgarishlar, jadal iqtisodiy rivojlanish dasturi, amalga oshirilayotgan chora-tadbirlar va loyihalar haqida videoroliklar va taqdimotlar asosida batafsil izohlab berdi. Shuningdek, ishga tushirilish arafasida turgan dam olish, tadbirkorlik hamda iqtisodiy obyektlar haqida to'xtalib o'tdi. Qadim zamondan tadbirkor aholisi bilan dunyoga mashhur bo'lgan G'ijduvonda yoshlar uchun bugungi imkoniyatlar aytib o'tildi.
Uchrashuv ochiq muloqot tarzida tashkil etilib, qizg'in savol-javoblarga boy bo'ldi. Jumladan, 4-kurs San'atshunoslik fakulteti talabasi Istamova Yulduz ayollar sartaroshligi bo'yicha tadbirkorlik qilmoqchi ekanligini bildirdi. Ushbu murojaatga javoban maktabdan xona hamda uskunalar uchun mablag' ajratilishi aytildi. Shuningdek, yozgi ta'tilda 90 kunni mazmunli o'tkazish loyihasi doirasida qo'shimcha dars o'tmoqchi bo'lgan, tadbirkorligini yo'lga qo'ymoqchi bo'lgan talabalarga barcha imkoniyatlar yaratilishi ta'kidlandi. Bugungi uchrashuvdan ko'zlangan maqsadga erishildi.
