O‘zbekiston Fanlar Akademiyasining akademigi Said Shermuxamedovning 95 yilligi hamda bugungi kun falsafasining dolzarb muammolariga bag‘ishlangan “INSON-JAMIYAT-DAVLAT: IJTIMOIY-TARIXIY TARAQQIYOT OMILLARI” mavzusidagi 5-Respublika ilmiy-amaliy anjumani bo'lib o'tdi.
Konferensiyada O‘zbekistonda xizmat ko‘rsatgan yoshlar murabbiysi, Mehnat shuhrati ordeni sohibi, Xalq deputatlari Toshkent shahar kengashi deputati, Respublikasi Ma’naviyat va ma’rifat markazi “Ma’rifat” targ‘ibotchilar jamiyati a’zosi, falsafa fanlari doktori, professor Jamila Shermuhammedova, Oliy Majlis Inson huquqlari bo‘yicha vakili (ombudsman)ning Buxoro viloyati mintaqaviy vakili Abera Huseynova, Respublika Ma’naviyat va ma’rifat markazi Buxoro viloyati bo‘limi rahbari, falsafa fanlari doktori Marhabo Pardayeva, Buxoro innovatsiyalar universiteti rektori Dilnoz Isomjonovna, universitetimiz professor-o'qituvchilari hamda talaba-yoshlar ishtirok etishdi.
Universitetga tashrif buyurgan mehmonlar BuxDU bosh foyesida tashkil etilgan mavzuga oid ko'rgazma bilan batafsil tanishishdi. Talabalar tomonidan ijro etilgan milliy ohanglar sadosi ostida mehmonlar iliq kutib olindi.
Tadbirni Buxoro davlat universiteti rektori Obidjon Xamidov kirish so'zi bilan ochib berdi. Shuningdek, so'zga chiqqanlar ustoz Said Shermuxamedov xotirlab, iliq so'zlar aytishdi.
Buxoro davlat universiteti Tarix va yuridik fakultetida akademik Said Shermuhamedovning 95 yilligiga bagʻishlab "Said Shermuhamedov nomidagi faylasuflar xonasi"ning ochilish marosimi boʻlib oʻtdi.
