Safar davomida Turkiyaning Konya shahridagi Necmettin Erbakan universiteti professor o’qituvchilari va universitet rektori Dr. Cem Zorlu bilan uchrashuv tashkil qilindi. Uchrashuvda ikki universitet o’rtasida barqaror hamkorlik imkoniyatlari muhokama qilinib, TÜBİTAK va Erasmus+ dasturlarida ikki tomonlama hamkorlik masalalari muhokama qilindi.
Xorijiy tillar fakulteti dekani Nozimjon Ataboyev Necmettin Erbakan universitet rektori Dr. Cem Zorluga BuxDU rektori prof. Obidjon Xafizovich Xamidovning salomlarini hamda universitetning 95 yillik yubiley tadbirlariga taklifini yetkazdi. Shundan so’ng, kafedra mudirlari Z.I.Rasulov, D.I.Xodjayeva va professor-o’qituvchilari M.B.Axmedova va X.Sh.Saidovlar qabul uchun minnatdorlik va kelgusidagi rejalar haqida fikr bildirdilar.
Shuningdek, Sotsial fanlar, Turizm fakulteti, Pedagogik bilimlar va boshqa fakultetlar o’quv jarayonlari, erishilgan yutuqlar va Kredit modul tizimidagi tajribalari bilan yaqindan tanishilib, bitiruvchi talabalari bilan uchrashuvlar tashkil qilinib, dars jarayoni ham bitiruv oqshomlarida ishtirok etishdi.
Safar nihoyasida ikki tomonlama hamkorlik rejalari kelishildi, unga ko’ra, hamkorlikda nufuzli Scopus, Web of science jurnallarida maqolalar yozish, qo’shma darslar tashkil qilish, talaba va o’qituvchilar almashinuvi, hamkorlikda xalqaro anjumanlar tashkil qilishga kelishildi.
Delegatsiya a’zolari hozirda Istanbul shahrida bo’lib turishibdi va kun tartibida Istanbul Sabahattin Zaim universitetiga tashrif buyurish belgilangan.
