Bugun Navoiy davlat universitetida oliy ta’lim tizimini yanada takomillashtirish, ta’lim sifati va samaradorligini oshirish, ilmiy-tadqiqot faoliyatini rivojlantirish va yoshlar salohiyatini qo‘llab-quvvatlash maqsadida Navoiy davlat universiteti va Buxoro davlat universiteti o‘rtasida hamkorlik memorandumi imzolandi.
Ushbu hujjatni Navoiy davlat universiteti rektori, professor Muxiddin Kalonov hamda Buxoro davlat universiteti rektori, professor Obidjon Hamidov rasmiy ravishda imzoladilar.
Memorandumga muvofiq, ma’naviy muhit barqarorligini mustahkamlash, yoshlar siyosatini amalga oshirish, ta’lim sifati va samaradorligini ko‘tarish, oliygohlar birgalikda ilmiy-tadqiqot dasturlari va xorijiy grantlar bo‘yicha hamkorlikdagi faoliyatni yo‘lga qo‘yish, o‘quv-uslubiy faoliyatni taqdimot qilish, amaliyot o‘tash uchun zaruriy shart-sharoitlarni yaratish, anjuman, simpozium va ko‘rgazmalar tashkil etish kabi bir qator yo‘nalishlarda faoliyat olib boriladi.
Ushbu hamkorlik nafaqat ta‘lim, ilm-fan rivoji, balki yosh avlodning zamonaviy bilim va ko‘nikmalarni egallashi yo‘lida muhim asos bo‘lib xizmat qiladi.
