O‘zbekiston Respublikasi Prezidentining 2021-yil 16-iyundagi “Aholining jismoniy tayyorgarlik darajasini baholash tizimini joriy etishning tashkiliy chora-tadbirlari to‘g‘risida” PQ-5148-sonli qarori ijrosini ta’minlash maqsadida, 18-29 yoshdagi oliy ta’lim muassasasi talabalari o‘rtasida “Jismoniy tayyorgarlik darajasi” sport sinovlari o‘tkazilishi belgilangan.
“Talabalar festivali” doirasida 2025-yil 8-may sanasidan boshlab O‘zbekiston oliy ta’lim muassasalarida talabalar o‘rtasida “Jismoniy tayyorgarlik darajasi” sport sinovlari boshlandi!
2025-yil 8-may kuni mazkur sport sinovlariga rasman start berildi. Musobaqaning ochilish marosimi Oliy taʼlim, fan va innovatsiyalar vazirligi hamda yurtimizdagi barcha oliy taʼlim muassasalarida bir vaqtning o‘zida jonli efir orqali amalga oshirildi.
Mazkur sinovlar orqali talabalar o‘zlarining kuchi, tezligi, chidamliligi, egiluvchanligi va chaqqonligini sinovdan o‘tkazish imkoniyatiga ega bo‘lmoqda. Bu jarayon sog‘lom turmush tarzini targ‘ib qilish, yoshlarning jismoniy faolligini oshirishga xizmat qiladi.
Buxoro davlat universitetida ham mazkur sport sinovlariga puxta tayyorgarlik ko‘rildi. BuxDU Universal sport majmuasida musobaqaning ochilishiga bag‘ishlangan tadbir o‘tkazildi, unda Buxoro viloyat Oliy ta'lim, fan va innovatsiyalar boshqarmasi boshlig'i Azamat Naimov, Buxoro viloyati Sport boshqarmasi boshlig‘i U.Najmiddinov, Buxoro davlat universiteti rektori Obidjon Xamidov, Buxoro davlat pedagogika instituti rektori Bahodir Ma'murov, viloyat davlat va nodavlat oliy ta`lim muassasalari rahbarlari, professor-o'qituvchilar, talaba yoshlar ishtirok etishidi. Sport majmuasida o‘tkazilgan tadbirda talabalar faol ishtirok etib, o‘z jismoniy tayyorgarliklarini namoyon etishdi.
Sinovlar 8–25-may kunlari bo‘lib o‘tadi. Unda ishtirok etish istagida bo‘lgan barcha talabalar @Yoshtanlovibot orqali ro‘yxatdan o‘tib, “Jismoniy tayyorgarlik darajasi” yo‘nalishini tanlashi lozim.
Sog‘lom tana – sog‘lom tafakkur garovi! Sport sinovlarida faol bo‘ling!
