Bugun universitetimizga Turkiyaning Kirikkale universitetidan rektor prof. Ersin Aslan boshchiligidagi delegatsiya tashrif buyurdi.
Tashrif dasturi universitetning iqtidorli talabalari uchun prof. Ersin Aslanning asrlar osha ilm-fan taraqqiyoti va bugungi kunda fan yutuqlarining iqtisodiyotdagi qo‘llanishi to‘g‘risidagi taqdimoti bilan boshlandi.
Taqdimotdan so‘ng delegatsiyani universitetimiz rektori O.Xamidov qabul qildi. Uchrashuv davomida hamkorlikning ustuvor yo‘nalishlari muhokama qilindi hamda hamkorlik shartnomasi imzolandi.
Taʼkidlash joizki, Kirikkale universiteti yangi yo‘lga qo‘yilgan Turkiya xalqaro almashinuv dasturi (Türkiye International Exchange Scholarship (TIES) bo‘yicha tanlab olingan 10 ta pilot universitetdan biri hisoblanadi. Ayni paytda Kirikkale universiteti tomonidan BuxDUning “Kimyo” taʼlim yo‘nalishi talabalari uchun stipendiya taqdim etilib, bir nafar talabamiz yangi o‘quv yilida 1 semestr davomida ushbu universitetda taʼlim olishi rejalashtirilgan.
