Bugun viloyatdagi oliy ta’lim muassasalari rahbar-xodimlari, universitet ilmiy kengashlari a’zolari, ilmiy izlanuvchilar, mustaqil izlanuvchilar, doktorantlar, tayanch doktorantlar bilan O‘zbekiston Respublikasi Oliy attestatsiya komissiyasi raisi Yusupov Axmadbek Tadjievichning uchrashuvi o‘tkazildi.
Ushbu uchrashuvni BuxDU Ilmiy ishlar va innovatsiyalar bo‘yicha prorektori K.Samiyev ochib berdi.
Oliy attestatsiya komissiyasi raisi Axmadbek Tadjievich Oliy attestatsiya komissiyasida olib borilayotgan islohotlar va Buxoro davlat universiteti huzuridagi ilmiy darajalar beruvchi kengashlar to‘g‘risida qisqacha fikr-mulohazalar bildirdi. Kengashlardagi faoliyatlar ijobiy baholanib, sifatli ishlarni tayyorlayotgan Ilmiy rahbarlar va Ilmiy darajalar beruvchi kengashlar rahbariyati va a’zolari OAK raisi tomonidan e’tirof etildi.
Uchrashuv davomida ishtirokchilar o‘zlarini qiziqtirgan barcha savollarga javob oldilar.
