Buxoro shahridagi “Abdurauf Fitrat” bog‘ida BuxDU jamoasi tomonidan “Milliy qadriyatlar sayli” madaniy-ma’rifiy tadbirlar o'tkazildi.
Har bir xalqning o'ziga xos an'analari, qadriyatlari va madaniy merosi bor. Milliy o'zligimizni aks ettiruvchi qadriyatlarimizni yanada yuksaltirish, kelajakka etkazish esa muqaddas burchimizdir. Tadbirni Buxoro viloyati Adliya boshqarmasi boshlig'ining birinchi o'rinbosari Sherzod Bahronov, Oliy Majlis inson huquqlari bo’yicha vakillari (ombudsman)ning Buxoro viloyat mintaqaviy vakili, falsafa fanlari doktori, professor Abira Xuseynova, BuxDU Yoshlar masalalari va ma’naviy-ma’rifiy ishlar bo‘yicha birinchi prorektori, i.f.d., professor Dilshod Yavmutov, Respublika Maʼnaviyat va maʼrifat markazi Buxoro shahar bo‘linmasi rahbari Aziz Xakimov, BuxDU Yoshlarni ma'naviy yuksalishiga ko‘maklashish departamenti rahbari Azizbek Amonovlar ochib berdilar. Shuningdek, tadbirda Buxoro davlat universiteti rahbariyati, professor-o'qituvchilari, tyutorlar, ishchi-xodimlar, talaba-yoshlar faol ishtirok etishdi.
