Tabiiy fanlar va agrobiotexnologiya fakultetida "Milliy qadriyatlar va ularning millat ma'naviyatidagi o'rni" shiori ostida "Talabalar kino kunlari" doirasida ijodiy uchrashuv bo'lib o'tdi.
Ushbu tadbirda O'zbekistonda xizmat ko'rsatgan artist G'ulomova Saodat G'ulomovna va taniqli kino va teatr aktyori Mavlonov Anvar G'aybullayevich ishtirok etdilar. Uchrashuv davomida san'atkorlar o'zlarining ijodiy faoliyatlari, milliy qadriyatlar va ularning ahamiyati haqida fikr almashdilar, talabalar bilan qiziqarli suhbatlar o'tkazdilar. Tadbir talabalar uchun yangi g'oyalar va ilhom manbai bo'ldi.
Tadbir so'ngida talabalar uchun rejissyor Melis Abzalovning "Chinor ostidagi duel" o'zbek kinofilmi namoyish etildi.
