Buxoro davlat universiteti kichik majlislar zalida geografiya fanlari nomzodi, professor Buxoro davlat universitetida xizmat ko‘rsatgan dotsent Nazarov Isroil Qilichevich tavalludining 85 yilligi munosabati bilan “GEOGRAFIYA ILMIGA BAXSHIDA UMR” mavzusidagi xotira kechasi o'tkazildi.
Mazkur konferensiyada universitet rektori Obidjon Xamidov boshchiligidagi rahbariyat, professor-o'qituvchilar, talaba-yoshlar, olimning oila a'zolari, hamkasblari, shogirdlari ishtirok etdi. Anjumanni BuxDU rektori kirish so'zi bilan ochib berdi. U nutqi davomida olimdan qolgan katta ilmiy meros hamda ilmiy faoliyatning shogirdlar tomonidan munosib davom ettirilayotganini ta'kidladi.
Xotira kechasini BuxDU Yoshlar masalalari va ma'naviy-ma'rifiy ishlar bo'yicha birinchi prorektori D.Sh.Yavmutov olib bordi. Shuningdek, Nazarov Isroil Qilichevichning hamkasblari, shogirdlari tomonidan olim haqida iliq fikrlar aytilib, xotiralari yod etildi. Jumladan, professor Umarov Baqo Bafayevich, geogrefiya fanlari doktori, professor Hayitov Yozil Qosimovich, Daler Davlatov, professor Navruz-Zoda Baxtiyor Negmatovich, BuxDU Xalqaro hamkorlik bo'yicha prorektor A.T.Jo'rayev, BuxDPI Moliya-iqtisod ishlari bo'yicha prorektori Olim Rahimov, professor Ahmadjon Mavlonov hamda boshqalar ustozni xotirlab, so'zga chiqishdi.
Konferensiyadan so'ng Buxoro davlat universiteti professori, geografiya fanlari nomzodi, Nazarov Isroil Qilichevich kabinet muzeyining ochilish marosimi bo'lib o'tdi.
