Bugun, 28-aprel kuni, Buxoro davlat universiteti rektori boshchiligidagi universitet rahbariyati tomonidan talabalar turar joyida talaba qizlar ishtirokida suhbat o'tkazildi. Universitet rektori TTJdagi yaratilgan sharoitlar, umumiy yashash xonalarini ko‘zdan kechirdi, talabalarning bo'sh vaqtidan unumli foydalanishi uchun berilgan imkoniyatlar bilan batafsil tanishdi. Suhbat jarayonida talabalarning fikr va takliflari tinglandi, muammolari o'rganilib, ularni manzilli hal etish bo'yicha mas'ullarga tegishli topshiriqlar berildi. Shuningdek, tarbiyachi va psixologlar faoliyati o'rganilib, ularni rivojlantirish bo'yicha tavsiyalar berildi.
