Samarqand shahrida 2025-yil bo‘lib o‘tishi rejalashtirilgan YUNESKO Bosh konferensiyasining 43-sessiyasi munosabati bilan Oʻzbekiston Respublikasining O'mon Sultonligidagi Favqulodda va Muxtor Elchisi Abdusalom Xatamov hamda Buxoro davlat davlat universiteti rektori Obidjon Xamidov O'mon Sultonligining Nizwa shahri rahbariyati bilan uchrashuv o'tkazdilar. Uchrashuvda Buxoro hamda Nizwa shaharlari o'rtasida hamkorlikni yo`lga qo`yish hamda rivojlantirish masalalari, BuxDU hamda Nizwa universiteti hamkorlik masalalari, shaharlar o'rtasida iqtisodiy, ijtimoiy, turizm va sog`liqni saqlash masalalarida amalga oshiriladigan ishlar kelishib olindi.
