Buxoro davlat universiteti kichik majlislar zalida bir qator hamkor tashkilotlar bilan birgalikda "O‘zbekistonda barqaror rivojlanish maqsadlariga erishish va yashil iqtisodiyotni rivojlantirishning istiqbolli yo‘nalishlari" mavzusidagi xalqaro ilmiy-amaliy konferensiya bo'lib o'tdi.
“O‘zbekiston Qahramoni”, Madaniyat Muhammad Ismat fermer xo‘jaligi rahbari Muhammad Ahmedov "Yashil iqtisodiyot sharoitida fermer xo‘jaliklarini barqaror rivojlantirish" to'g'risida o'z fikrlarini bildirib o'tdi. Buxoro viloyati Ekologiya, atrof muhitni muhofaza qilish va iqlim o‘zgarishi boshqarmasi boshlig‘i Jamol Nosirov " Iqlim o‘zgarishi sharoitida dolzarb ekologik muammolar: tahlil va yechimlar" borasida gapirib o'tdi. Urganch davlat universiteti professori, BMTning Barqaror rivojlanish markazi Xorazm viloyati bo‘linmasi rahbari Baxtiyar Ro‘zmetov "Mintaqani barqaror rivojlanish maqsadlari asosida kompleks rivojlantirishning ustuvor yo‘nalishlari" mavzusida ma'ruza qildi.
Shuningdek, konferensiya davomida BuxDU Menejment va marketing kafedrasi professori Baxtiyor Navro‘z-zodaning "Iqtisodiyotning “Yashil rivojlanish” modeli: yaratish bosqichlari va organik tuzilishi" mavzusidagi ma'ruzasi tinglandi. Buxoro viloyati hokimligi Iqtisodiyot va moliya bosh boshqarmasi bosh mutaxassisi Muhammadov Tolib “Yashil iqtisodiyot asosida kambag‘allikni qisqartirishning hududiy strategiyasi: Buxoro viloyati misolida” mavzusidagi gapirib o'tdi. Yashil iqtisodiyot kafedrasi dotsenti Mahmud Oripov tomonidan "Buxoro viloyatida yashil iqtisodiyotni rivojlantirishning strategik yo‘nalishlari" mavzusida ma'ruza o'qildi. Germaniyaning Technical University of Darmstadt professori Dr. Dilshod Durdievnning " Transition to Lead-Free Ferroelectrics: Eco-Friendly Materials for Green Technologies" mavzusidagi ma'ruzasi tinglandi.
Shu bilan birga, “BuxoroAgroklaster” MCHJ direktor o‘rinbosari Ikromov Ikrom tomonidan “BuxoroAgroklaster” MCHJ da barqaror rivojlanish yo‘nalishlari" mavzusidagi ma'ruza o'qildi. “Bukhara Varnet” qo‘shma korxonasi ijrochi direktori Beshim Hamroyev “Bukhara Varnet” qo‘shma korxonasida yashil texnologiyalarni joriy etish: imkoniyatlar, muammolar va istiqbollar" haqida gapirib o'tdi.
