Buxoro viloyati hokimi universitetda bo'lib, BuxDU faoliyati hamda unda yaratilgan sharoitlar bilan tanishdi. Iqtisodiyot va turizm fakulteti ta'lim yo'nalishlarini ko'zdan kechirib, ta'lim jarayonlari tahlil etildi. Xususan, BuxDU hamda Fransiyaning Vatel mehmonxona va turizm oliy maktabi bilan hamkorlikdagi Menejment (Xalqaro mehmonxona menejmenti) qo'shma bakalavriat dasturi dars jarayonlari bilan batafsil tanishib, talabalar bilan suhbatlashildi.
Shuningdek, turizmni rivojlantirish masalalari muhokama etildi. Hududni ijtimoiy-iqtisodiy rivojlantirish borasida suhbatlashib, universitet faoliyatini yanada takomillashtirish to'g'risida tegishli topshiriqlar berildi.
Shu bilan birga, universitetda "KARYERA KUNI-2025" doirasida tashkil etilgan mehnat yarmarkasi ko'zdan kechirildi.
