Kuni kecha Rossiyaning nufuzli telekanallaridan biri — "Первый канал" ijodiy jamoasi "Жизнь других с Жанной Бадоевой" nomli mashhur ko‘rsatuv doirasida Buxoro davlat universitetiga tashrif buyurdi.
Ko‘rsatuv vakillari universitetning talabalar turar joyida yaratilgan sharoitlar, Axborot resurs markazi hamda o‘quv jarayonlari bilan yaqindan tanishdilar.
Tashrif davomida mehmonlar talabalarga yaratilgan imkoniyatlar, ilmiy-adabiy resurslar hamda universitetning ta’lim jarayonini zamonaviy texnologiyalar asosida tashkil etish borasidagi ishlanmalar bilan tanishib, o‘z taassurotlari bilan o‘rtoqlashdilar.
Bunday xalqaro e’tirof universitetning jahon miqyosidagi nufuzini oshirishga xizmat qiladi va talabalarning sifatli ta’lim olishiga bo‘lgan ishonchini yanada mustahkamlaydi.
