"Siyosiy fanlarning dolzarb muammolari" mavzusidagi Respublika ilmiy-amaliy konferensiyasi bo'lib o'tdi.
Konferensiyani Buxoro davlat universiteti rektori Obidjon Xamidov kirish so'zi bilan ochib berdi. U nutqi davomida bugungi kundagi siyosatshunoslarni tayyorlash masalasi hamda universitetimizda ham mazkur yo'nalish yaqin yillarda tashkil etilganligi haqida fikr bildirdi. Shuningdek, ayni kunlarda Samarqand shahrida o'tkazilayotgan “Markaziy Osiyo – Yevropa Ittifoqi” birinchi sammiti to'g'risida so'zladi.
Konferensiya davomida Jahon iqtisodiyoti va diplomatiya universiteti professori, siyosiy fanlar doktori E.S.Sultanovaning "Siyosiy texnologiyalar siyosat san’ati sifatida" mavzusidagi ma'ruzasi tinglandi. Shuningdek, O‘zbekiston Respublikasi Strategik tahlil va istiqbolni belgilash oliy maktabi kafedra mudiri, professor, tarix fanlari doktori I.N.Islamov "O‘zbekistonda siyosiy fanlarni rivojlantirish masalalari" mavzusida ma'ruza o'qidi. Toshkent kimyo texnologiya instituti kafedrasi mudiri, siyosiy fanlar doktori, professor BuxDUning sobiq bitiruvchisi O.O. Sirojov tomonidan "Markaziy Osiyodagi geosiyosiy jarayonlar: muammolardan imkoniyatlar sari" mavzusida ma'ruza o'qildi.
Mazkur konferensiyada Buxoro davlat universiteti professori, tarix fanlari nomzodi S.S.Raupovning "Nizomulmulk va ijtimoiy adolat muammolari" mavzusidagi ma'ruzasi tinglandi. BuxDU professori tarix fanlari doktori Sh.Vohidov tomonidan "Nizomulmulk va uning "Siyosatnoma" asari: mazmuni, tarjimasi va ahamiyati" mavzusidagi ma'ruza o'qildi. Shuningdek, Buxoro texnika universiteti professori, siyosiy fanlar nomzodi F.M. Bafoyev mavzu yuzasidan ma'ruza o'qidi. Buxoro davlat universiteti
Siyosatshunoslik ta’lim yo‘nalishi talabasi N.D.Mansurovaning "Barqaror rivojlanish maqsadlari va gender tenglik" mavzusidagi ma'ruzasi tinglandi.
