BuxDUda taniqli kino arboblari ishtirokida ijodiy uchrashuv bo'lib o'tdi.
Buxoro davlat universitetida Buxoro viloyati musiqali drama teatri aktyori, O'zbekistonda xizmat ko'rsatgan artist Ra'no Hoshimova hamda Buxoro viloyati musiqali drama teatri aktyori Islombek Islomov ishtirokida "MILLIY QADRIYATLAR VA ULARNING MILLAT MA’NAVIYATIDAGI O‘RNI" shiori ostida universitet talabalari bilan uchrashuv bo'lib o'tdi.
Uchrashuvni BuxDU yoshlar masalalari va ma'naviy-ma'rifiy ishlar bo'yicha birinchi prorektori D.Sh.Yavmutov kirish so'zi bilan ochib berdi. Uchrashuv davomida kino va teatr san’ati, milliy kinematografiyaning rivojlanishi va ijodiy jarayonlar haqida qiziqarli suhbatlar olib borildi.
Shuningdek, ijodkorlar bilan ochiq suhbatlar, san’atga oid muhokamalar va savol-javoblar tashkil etildi.
Uchrashuvda "Mahallada duv-duv gap" retro filmi namoyish etildi.
