7-fevral kuni Buxoro davlat universitetida Hazrat Navoiyga o‘rnatilgan byust qarshisida BuxDU rahbariyati, Buxoro Yozuvchilar uyushmasi raisi, Oʻzbekiston Respublikasi Ma'naviyat-maʼrifat markazi Buxoro viloyati boʻlimi rahbari, Viloyat hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga qat'iy rioya etilishini ta'minlash masalalari boʻyicha maslahatchisi, jamoatchilik vakillari, O'zbekiston Respublikasi favqulodda vaziyatlar vazirligi Buxoro viloyati boshqarmasi xodimlari, professor-oʻqituvchilar, talaba-yoshlar toʻplanib, hazrat Navoiyga ehtirom yuzasidan byust poyiga gulchambar qo‘yilib, hurmat bajo keltirildi.
Buxoro davlat universiteti bosh foyesida gʻazal mulkining sultoni Mir Alisher Navoiy tavalludiga bagʻishlab universitet jamoasi tomonidan koʻrgazma tashkil etildi.
Shuningdek, Buxoro davlat universiteti katta majlislar yigʻingohida turkiy til tamal toshini qoʻyib, uni mustahkamlagan, soʻz mulkining sultoni Mir Alisher Navoiy tavalludining 584 yilligiga bagʻishlangan “Alisher Navoiy-buyuk davlat arbobi va maʼnaviyatimiz gultoji” nomli tantanali bayram tadbiri boʻlib oʻtdi.
Tadbir davlat madhiyasi ijrosi bilan boshlandi.
Ushbu tadbir avvalida BuxDU Yoshlar masalalari va ma'naviy-ma'rifiy ishlar boʻyicha birinchi prorektori D.Sh.Yavmutov, Buxoro viloyati hokim yordamchisi Akbar Rustamov, Oʻzbekiston Respublikasi Yozuvchilar uyushmasi Buxoro viloyat boʻlimi rahbari Shodmon Sulaymonov, Oʻzbekiston Respublikasi Maʼnaviyat-maʼrifat markazi Buxoro viloyati boʻlimi rahbari Marhabo Davlatovna, BuxDU professori, navoiyshunos N.Bekovalar soʻzga chiqib, millatimiz quyoshi Alisher Navoiy tavalludi bilan yigʻilganlarni muborakbod etishdi.
Tadbir davomida butun umrini turkiy tilning nufuzini koʻtarish, turkiy davlatchilik asoslarini mustahkamlashga bagʻishlagan Alisher Navoiy hayotidan ibratli sahna ko'rinishlari ijro etildi. Mir Alisher Navoiyning sermahsul ijodidan namunalar keltirildi. Ayniqsa, kuyga solingan g'azallar yig'ilganlarning gulduros olqishlariga sabab bo'ldi.
BuxDU Axborot xizmati
