24-yanvar kuni, Buxoro davlat universiteti katta majlislar zalida “Malakali kadrlar tayyorlash va kasbiy taʼlimga xalqaro taʼlim dasturlarini joriy etish” mavzusida forum bo’lib o’tdi.
Ushbu forumda jami 400 nafardan ortiq ishtirokchilar Germaniyaning “AVESTOS” GmbH kompaniyasi, professional ta'limni rivojlantirish instituti, O'zbekiston Respublikasi Oliy ta'lim, fan va innovatsiyalar vazirligi, Buxoro viloyati hokimligi, G'uzor tuman 1-son politexnikumi, Buxoro davlat universiteti, xorijiy ekspertlar, 180 nafarish beruvchi korxona, tashkilot hamda kasbiy ta'lim tashkilotlari hamkorligida tashkil etildi.
Forumni Professional taʼlimni rivojlantirish instituti direktori Xudayberdiyev Zayniddin Yavkachevich ochib berdi. Forumda Oʻzbekiston Respublikasi Oliy taʼlim, fan va innovatsiyalar vazirining birinchi oʻrinbosari Daliyev Shaxrux Xojakbarovich, “AVESTOS” GmbH kompaniyasining bosh direktori Klaus Michel hamda “AVESTOS International” kompaniyasi boshqaruv direktori Antje Strauch so’zga chiqishdi. Antje Strauch “Taʼlim dasturlarining transfer ishlarini amalga oshirish bosqichlarini taqdim etish” mavzusida ma’ruza qildi.
Shuningdek, “AVESTOS” GmbH kompaniyasining Oʻzbekiston, Vyetnam va Xitoydagi loyihalar boʻyicha menejeri Susan Strauchning “Nemis va xalqaro standartlar boʻyicha kasbiy taʼlim tizimi oʻqituvchilarining malakasini oshirish” mavzusidagi ma’ruzasi tinglandi.
Ushbu forumda ish beruvchi korxona va tashkilotlar rahbarlari, nemis va xalqaro standartlar bo'yicha kasbiy taʼlim tizimi oʻqituvchilarining malakasini oshirish hamda Germaniyada malaka oshirish borasida taqdimotlar qilinib, tadbirkorlar bilan fikr almashilishdi. Shuningdek, forum doirasida Buxoro viloyati texnikumlari hamda ish beruvchi korxonalari o‘rtasida dual ta’limni tashkil etish va ishlab chiqarish amaliyotini tashkil etish maqsadida 20 dan ortiq hamkorlik shartnomalari imzolandi. Germaniyaning “AVESTOS” GmbH kompaniyasi bilan birgalikda amalga oshirilayotgan ishlar tahlil qilinib, hamkorlikni yanada kengaytirish imkoniyatlari muhokama qilindi.
