2017 yilning 14-15 aprel kunlari Buxoro davlat universitetida “Oliy va o’rta maxsus, kasb-hunar ta’lim tizimida qayta tayyorlash va malaka oshirishning modernizasiyalashgan didaktik muhiti” mavzusida Respublika ilmiy-nazariy anjumani bo’lib o’tdi.Universitet rektori, professor A.A.To’laganov anjumanning O’zbekiston Respublikasi Prezidentining 2017 yil 4 apreldagi “Xotira va qadrlash kuniga tayyorgarlik ko’rish va uni o’tkazish chora-tadbirlari to’g’risida”gi qarori ijrosini ta’minlash maqsadi bilan hamohang ravishda o’tkazilib, u pedagogika fanlari doktorlari, professorlar Komil Zaripovich Zaripov hamda Ochil Roziqovich Roziqov xotirasiga bag’ishlanganligini ta’kidlab o’tdi. Mazkur anjumanga O’zbekiston Respublikasi Oliy va o’rta maxsus ta’lim vazirligi O’rta maxsus kasb-hunar ta’limi markazi qoshidagi O’rta maxsus kasb-hunar ta’limi tizimi kadrlarining malakasini oshirish va ularni qayta tayyorlash instituti o’quv jarayonini normativ-metodik ta’minlash, muvofiqlashtirish va monitoring qilish bo’limi boshlig’i H.K.Madraximov, Farg’ona davlat universiteti huzuridagi mintaqaviy markaz direktori, professor Yu.Axmadaliev, Samarqand davlat universiteti professori N.Shodiev, Guliston davlat universiteti professori B.Raximov, va boshqalar ishtirok etib, davrning dolzarb masalalaridan bo’lgan pedagog kadrlarni qayta tayyorlash va ularning malakasini oshirish, tizimdagi ishlarni yangi bosqichga ko’tarish, Oliy ta’lim muassasalari professor-o’qituvchilarining kasb darajasi va malakasini oshirib borish, ularni zamonaviy talablarga muvofiq muntazam qayta tayyorlashning takomillashtirilgan tizimini joriy etish to’g’risida fikr mulohazalar bildirdilar.
