Bugun, 21-noyabr Buxoro davlat universiteti kichik majlislar zalida “Psixologik tadqiqotlarda muammolar, yutuqlar, innovatsiyalar” mavzusidagi Respublika ilmiy-amaliy konferensiyasi bo’lib o’tdi.
Ushbu konferensiya bir qator tashkilotlar hamkorligida tashkil etilgan. Jumladan, O‘zbekiston Respublikasi Oliy taʼlim, fan va innovatsiyalar vazirligi Buxoro davlat universiteti psixologiya kafedrasi, O'zbekiston Respublikasi Milliy gvardiyasi Buxoro viloyati qo'riqlash boshqarmasi, Oliy Majlis inson huquqlari bo’yicha vakillari (ombudsman)ning Buxoro viloyat mintaqaviy bo’limi, Qarshi davlat universiteti, Navoiy viloyati pedagoglarini yangi metodikalarga o'rgatish milliy markazi, Samarqand davlat chet tillari instituti, Buxoro psixologiya va xorijiy tillar instituti, Xorazm viloyati “Ma’mun universiteti”, Buxoro Innovatsiyalar universiteti, Samarqand davlat universiteti ishtirok etishdi.
Koferensiyani BuxDU rektori O.X.Xamidov kirish so’zi bilan ochib berdi. U nutqi davomida Buxoro psixologlar maktabi shakllanganlini hamda universitetda ushbu sohada faoliyat yuritayotgan malakali professor-o’qituvchilar yetarli ekanligini ta’kidladi.
Konferensiya davomida Senator, Oliy Majlis inson huquqlari bo’yicha vakillari (ombudsman)ning Buxoro viloyat mintaqaviy vakili, falsafa fanlari doktori, professor Xuseynova Abira Amanovnaning “Oila ijtimoiy-psixologik muhitiga ta’sir etadigan omillarning o’ziga xos xususiyatlari” mavzusidagi ma’ruzasi tinglandi.
Shuningdek, TDPU professori, psixologiya fanlari doktori Atabayeva Nargis Batirovna tomonidan "Talabalarda alturistik xulqni shakllantirishning psixologik xususiyatlari" mavzusidagi ma'ruza o'qildi.
Buxoro davlat universiteti Psixologiya kafedrasi dotsenti, psixologiya fanlari nomzodi Jumayev Ulug‘bek Sattorovichning "Globallashuv sharoitida madaniyatlararo muloqot kompеtеnsiyasining ijtimoiy psixologik xususiyatlari" mavzusidagi ma'ruzasi tinglandi.
Konferensiya so'ngida 5 ta maxsus yo'nalishlar bo'yicha yig'ilishlar o'tkazildi.
