Bugun, 14-noyabr xalqaro sotsiologlar kuni munosabati bilan BuxDU katta majlislar zalida bayram tadbiri boʻlib oʻtdi.
Avvalo, sotsiologiya fanlari boʻyicha falsafa doktori, dotsent Azizbek Amonov tabrik uchun soʼzga chiqib, Buxoro davlat universiteti rektori O.X.Xamidovning Xalqaro sotsiologlar kuni munosabati bilan universitet professor-o’qituvchilari hamda talaba yoshlariga yo’llagan bayram tabrigini o’qib eshittirdi.
Shuningdek, sotsiologiya fanlari boʻyicha falsafa doktori, dotsent Aziza Qayumova bugungi bayram bilan oʼqituvchilar va talabalarni chin dildan muborakbod etdi. Universitet falsafa kafedrasi professori Hakima Salimova so’zga chiqdi.
Tadbir davomida Oʼzbekistonning sotsiolog olimlari bayram tabrigi tinglandi. Jumladan, Oʼzbekiston Respublikasi Prezidenti huzuridagi Davlat boshqaruvi akademiyasi ijtimoiy boshqaruv va psixologiya kafedrasi mudiri, sotsiologiya fanlari doktori, professor Bekmurodov Mansur Bobomurodovichning bayram tabrigi aks etgan videorolik yigʼilganlarga taqdim etildi.
Sotsiologiya yoʻnalishi talabalari sotsiologiya fani asoschisi boʼlgan Ogyust Kont nomini tasvirlab, soha rivojiga hissa qoʻshgan olimlar ilmiy tadqiqotlar bilan tanishtirishdi.
Buxoro davlat universiteti talabalari tomonidan tayyorlangan sotsiologik soʻrovnoma aks etgan videorolik namoyish etildi.
Tadbir davomida Millatparvar jadidlardan biri Behbudiy qalamiga mansub "Padarkush" dramasi hamda mutafakkir shoir Alisher Navoiy haqidagi sahna ko’rinishi namoyish etildi. Ayniqsa, turli millatlar madaniyati aks etgan kuy va raqslar yigʻilganlarni xushnud etdi.
