Respublikamizda olib borilayotgan keng islohotlar qatorida ta’lim sohasida ham tubdan o’zgarishlar amalga oshirilmoqda. Oliy ta’lim bilan qamrov darajasini oshirish, xalqaro standartlar asosida yuqori malakali, kreativ va tizimli fikrlaydigan, mustaqil qaror qabul qila oladigan kadrlar tayyorlash, ularning intellektual qobiliyatlarini namoyon etishi va ma’naviy barkamol shaxs sifatida shakllanishi uchun zarur shart-sharoit yaratishga qaratilgan ishlar jadal olib borilmoqda.
Respublikamizda kadrlar tayyorlash bo‘yicha olib borilayotgan islohotlar natijasi o‘laroq, bugungi kunda Buxoro davlat universitetida 4 ta xorijiy oliy ta’lim muassasasi bilan hamkorlikda 5 ta (2 ta bakalavr, 3 ta magistratura) ta’lim dasturlarida kadrlar tayyorlab kelinmoqda. Ushbu ta’lim dasturlarining o‘ziga xosligi shundaki hamkor oliy ta’lim muassasalar dunyo reytinglarining “TOP-1000”taligida va o’z yo‘nalishida yuqori o‘rinlarni egallaydi.
Jumladan:
Ushbu dasturlarda tahsil oluvchi talabalarga hamkor OTM professor-o‘qituvchilari tomonidan darslar berib boriladi. Bundan tashqari talabalarga Hamkor OTMga borib o’qish va amaliyotlar o’tashi uchun imkoniyatlar yaratilgan.
Shu munosabat bilan xorijiy universitetlar bilan hamkorlikdagi qo’shma ta’lim dasturlarida tahsil olib muvaffaqiyatli yakunlagan 58 nafar bitiruvchilarga diplom topshirish marosimi o’tkazildi. Unda viloyat tashkilotlari hamda hamkor korxona rahbarlari, menejerlari ishtirok etishdi. Diplom topshirish marosimi Oʻzbekiston Respublikasi davlat madhiyasi bilan boshlandi. Tadbirni BuxDU rektori Obidjon Xamidov tabrik so’zi bilan ochib berdi. Shuningdek, tadbirda Fransiyaning Vatel xalqaro tarmoq direktori Janob Paul D' Azémar, Qozon Federal universiteti Filologiya va madaniyatlararo aloqa instituti direktori, filologiya fanlari doktori, professor, Zamaletdinov Radif Rifkatovichlar hamda BuxDU qo'shma ta'lim dasturlari amaliyot jarayonlarini tashkil etishda yaqindan hamkorlik qilgan Wyndham mehmonxonasi menejeri Oybek Shagazadov, Turon Plaza mehmonxonasi menejeri Hakimov Istam Muzaffarovich, Buxoro viloyati turizm boshqarmasining kirish, ichki va ziyorat turizmini rivojlantirish sho‘basi boshlig‘i To'xsanov Bobir Zoyirovichlar o'z tabrik so'zlarini yetkazdilar.
Diplom topshirish marosimida BuxDU hamda xorijiy oliy ta'lim muassasalari bilan hamkorlikdagi qo'shma ta'lim dasturlarining tashkil qilinganligiga 5 yil to'lgani munosabati bilan Vatel mehmonxona va turizm oliy ta`lim muassasasi 2023 yilgi bitiruvchilarining muvaffaqiyat hikoyalarini o'zida jamlagan videorolik namoyish etildi.
BuxDU Matbuot xizmati
