Darhaqiqat, pedagogik amaliyot bu nihoyatda jiddiy jarayon hisoblanadi. Zero, talabalarning amaliyot davomida orttirgan tajribalari kelgusi faoliyatlarida juda zarurdir.Bugun, 12-oktabr Buxoro davlat universiteti rektori A.A.To`laganov, o`quv bo`limi boshlig`I M.Y.Ergashev va rektor yordamchisi A.Qilichev Buxoro shahridagi 23-maktabga amaliyot borishini kuzatish maqsadida tashrif buyurdilar. Mazkur maktabda universitetimizning filologiya, fizika-matematika, tabiiy fanlar fakultetlari talabalari malakaviy amaliyot o’tayapti.Rektor A.A.Tòlaganov talabalar bilan amaliyotning borishi, biriktirilgan uslubshunoslar, psixolog va pedagoglar faoliyati xususida suhbatlashdilar. Davra suhbatida universitet rahbariyati, maktab ma’muriyati hamda barcha amaliyotchi talabalar qatnashdi.O’quv bo'limi boshlig’i M.Y.Ergashev amaliyot mazmun-mohiyati xususida o’z fikr-mulohazalarini bildirdilar hamda talabalarning kelgusi pedagogik faoliyatida amaliyotning o’rni kattaligini alohida ta’kidlab o'tdilar.Filologiya va tillarni o'qitish (o'zbek tili) ta'lim yo'nalishi talabalaridan Sharipova Maftuna, Samiyeva Mahliyo, Shodiyeva Nozima va Ahmedova Fuleralar amaliyot borishi haqida axborot berdilar. Namunali dars ishlanmalarini kòrsatdilar. Universitet rahbariyati amaliyotchilarning dars mazmunnomalarini va boshqa hujjatlarini kòrib chiqdilar va yaxshi taassurotlar bilan qaytdilar. G'ulomova Shahnoza, “O'zbek tilshunosligi” kafedrasi o'qituvchisi
