Assalomu alaykum qadri va qaddi baland yoshlar!
Barchangizni 30-iyun – “Yoshlar kuni” bayrami bilan samimiy tabriklayman.
2017-yil davlatimiz rahbari tomonidan 30-iyun – Yoshlar kuni deb e’lon qilgan edi. Bu esa mamlakatimizda yoshlar masalasi davlat siyosati darajasiga ko‘tarilganligi hamda yoshlarimizga yuksak e’tibor belgisidir.
Yurtimizdagi har bir yoshi singari Buxoro davlat universiteti talaba-yoshlari ham mana shunday ulkan ishonchga munosib bo‘lib har sohada bilim, iqtidor va salohiyatini namoyon etmoqda va bu yuksak mas’uliyatli, sharafli vazifasini yoshlarni sidqidildan davom ettirishiga, bajarishiga biz rahbar-xodimlar bor kuch g‘ayratimizni doim safarbar etamiz.
Davlatimizda yoshlarni ilmli bo‘lish, kasb-hunar egallab o‘z hayot yo‘lini topishlari uchun ko‘plab imkoniyat va imtiyozlar yaratilmoqda. Ulardan unumli foydalanish esa, Siz aziz yoshlarning kelajak uchun qo‘yilgan mustahkam qadamingizdir.
Yoshlar bilan ishlash bo‘yicha mutlaqo yangi tizim asosida ishlar olib borilayotganligi, talaba-yoshlarimizning ijtimoiy faolligi, universitet hayotiga munosib hissa qo‘shib kelayotganini barchamiz minnatdorchilik bilan e’tirof etamiz.
Bu kabi ulug‘ maqsadlarga qaratilgan muqaddas ishonch va mas’uliyatni har tomonlama oqlash, unga munosib bo‘lish – dunyodagi eng ulug‘ baxtdir. Shunday baxt, shunday sharaf barchangizga nasib etsin!
Sizlarni betakror bayramingiz, azmu shijoat, navquronlik va kamolot ayyomi – Yoshlar kuni bilan yana bir bor samimiy tabriklab, barchangizga ulkan marralar, sihat-salomatlik, baxt va omad tilayman.
Obidjon XAMIDOV
Buxoro davlat universiteti rektori, iqtisodiyot fanlari doktori, professor
