2024-yil 8-iyun kuni Shveysariyaning Lutsern amaliy fanlar va san’at universiteti delegatsiyasi Buxoro davlat universitetiga tashrif buyurdi. Delegatsiya tarkibidan Lutsern amaliy fanlar va san’at universiteti Turizm kompetentsiyasi markazi rahbari, professor. Urs Vagenzeyl va tadqiqotchi Bettina Mandel BuxDU rektori O.Xamidov va xalqaro hamkorlik bo‘yicha prorektori A.Jurayevlar bilan uchrashuv o‘tkazdilar. Tashrif davomida Iqtisodiyot va turizm fakulteti professor-o‘qituvchilari bilan ham uchrashuv tashkil etildi. Uchrashuvni BuxDU xalqaro bo‘limi boshlig`i M.Qilichev ochib, fakultetda mehmondo‘stlik, mehmonxona xo‘jaligi va turizm yo‘nalishlarida amalga oshirilayotgan loyihalar haqida ma’lumot berdi. Uchrashuvlarda universitetlar o‘rtasida talabalar va o‘qituvchilar almashinuvi bo‘yicha kelgusidagi hamkorlik masalalari muhokama qilindi.
BuxDU matbuot xizmati
