O’zbekiston Respublikasi Oliy ta`lim, fan va innovatsiyalar vazirligi hamda Buxoro davlat universiteti, Germaniyaning Yohannes Gutenberg nomidagi Maynts Universiteti (Times-2023 da 251-300 guruhida, QS-2024 da 464-o'rinda, ARWU reytingida 201-o‘rinda, US Newsda 241- o`rinda), Rossiya Federatsiyasining Qozon Federal Universiteti, Turkiyaning İNÖNÜ universiteti (Times-2023 da 251-300 guruhida, QS-2024 da 464-o'rinda, ARWU reytingida 201-o‘rinda, US Newsda 241- o`rinda) bilan hamkorlikda akademik turizm asosida “Zamonaviy filologiya muammolari” mavzusidagi yozgi maktab - 2024 tashkil etildi. Ushbu yozgi maktabga suhbat natijasi asosida jami 7 ta xorijlik talabalar va 3 nafar professor-o’qituvchilar qabul qilindi hamda universitetda o’z tadqiqotlarni boshlab yuborishdi. Yozgi maktabda Germaniyaning Yohannes Gutenberg nomidagi Maynts Universiteti Turkologiya kafedrasi professorlari Julian Rentzsch va Petr Kucera, Rossiya Federatsiyasining Qozon federal universiteti professori Mingazova Lyayla Ixsanovna; Turkiyaning Inönü universiteti San’at va fanlar fakulteti Turk tili va adabiyoti bo‘limi professori Ramilya Yarullina Yildirim hamda Dilek Ece, Dominik Lukas, Fränzel Lejla-Sophia, Reçber Aycan, Saraç Seval, Sinmez Abrek Bera, Spratte Jonathan kabi talabalar ishtirok etishmoqda. Yozgi maktabning tasdiqlangan dasturi asosida ishtirokchilar O‘rta Osiyoda yaratilgan turkiy qo‘lyozmalar, O‘zbek milliy folklori va kulolchik tarixi, kompyuter lingvistikasi asoslari shakllanishi va rivojlanishi, Mashrab asarlarining tili va uslubi, Temuriylar sulolasing asoschisi, buyuk sarkarda Sohibqiron Amir Temur sulolasining tarixi kabi mavzularda seminar-treninglar, ma’ruzalarda ishtirok etishmoqda.
Shuningdek, Buxoro davlat universiteti rektori Obidjon Xamidov 8-aprel kuni yozgi maktab ishtirokchilari bilan uchrashuv o’tkazdi. Uchrashuvda xorijiy universitetlar bilan hamkorlik loyihalarini davom ettirish, talabalar o’rtasida akademik almashinuvni yo’lga qo`yish, loyihalarda xalqaro talabalar ishtirokini oshirish masalalar ko’rib chiqildi.
“Buxoro davlat universitetiga ikkinchi marotaba tashrif buyurmoqdamiz. Germaniyaning Yohannes Gutenberg nomidagi Maynts Universiteti professori sifatida ushbu ikki universitet o’rtasidagi hamkorlik aloqalarini rivojlantirishdagi hissam borligidan juda xursandman. Bu safar biz 7 ta xalqaro talabalar bilan tashrif buyurdik. Biz hozir Buxoro davlat universitetida tashkil etilgan yozgi maktabda o’z loyihalarimiz bilan ishtirok etmoqdamiz, shuningdek, biz o’z safarimiz davomida O’zbekistonning boshqa qadimiy shaharlariga tashrifimiz rejalashtirilgan”, deydi Germaniyaning Yohannes Gutenberg nomidagi Maynts Universiteti professori Julian Rentzsch.
Buxoro davlat universiteti Matbuot xizmati
