Universitetga hamkorlik o‘rnatish maqsadida AQSHning Vebster universiteti prezidenti janob Julian Schuster boshchiligidagi delegatsiyasi tashrif buyurdi. Delegatsiya aʼzolari tarkibida webster universiteti Toshkent filiali rektori janob Vassilis Polimenis, Vebster universitetining ta’lim dasturlarini amalga oshirish markazi ijrochi direktori Rasul Rahmonov ham ishtirok etdi. Mehmonlar universitet rektori O.X.Xamidov, Xalqaro hamkorlik bo‘yicha prorektor A.T.Jurayev, O‘quv ishlari bo‘yicha prorektor R.G‘.Jumayevlar tomonidan kutib olindi.
Uchrashuv davomida delegatsiya aʼzolariga Buxoro davlat universiteti, unda mavjud taʼlim dasturlari, tadqiqotlar, xalqaro hamkorlik masalalari bo‘yicha maʼlumotlar almashinildi hamda o‘zaro hamkorlikni rivojlantirish bo‘yicha takliflar taqdim etildi.
Takliflar mehmonlar tomonidan maʼqul ko‘rilib, ularni yana-da rivojlantirish borasida kelishuvga erishish imkoniyatlari muhokama qilindi. Uchrashuv natijasida ikki tomonlama Anglashinuv Memorandumi imzolandi. Memorandum
- Iqtisodiyot va biznes sohalarida professor-o‘qituvchilar malakasini oshirish, qayta tayyorlash;
- Ikkila tomondan professor o‘qituvchilarni dars berish, mahorat darslarini olib borish maqsadida jalb qilish;
- O‘zaro hamkorlikda ilmiy tadqiqot ishlarini chop qilish va ilmiy faoliyatni rivojlantirish;
- Talabalar, tadqiqotchilar almashinuvini yo‘lga qo‘yish;
- Hamkorlikda Qo‘shma taʼlim dasturlarini yo‘lga qo‘yish kabi masalarni o‘zida qamrab olgan.
Maʼlumot uchun: Vebster universitet 1915 yilda tashkil etilgan bo‘lib, bugungi kunda Austriya, Xitoy, Gurjiston, Gana, Gretsiya, Qozog‘iston, Niderlandiya, Shveytsariya va O‘zbekistonning Toshkent shahrida o‘z filiallariga ega xalqaro universitet hisoblanadi.
