Joriy yilning 6-13-avgust kunlari yoshlarning bilim saviyasini oshirish, do`stona hamkorlikni yo`lga qo`yish maqsadida 10 yildan buyon Seul, Moskva, Sankt-Peterburg shaharlarida o`tkazib kelinayotgan yoshlar Forumining navbatdagisi O`zbekistonda o`tkazilmoqda.
"Zamonaviy sharoitlarda yoshlarning ijodiy salohiyatini ro‘yobga chiqarish" mavzusida o`tkazilayotgan forumning Buxoro qismi Buxoro davlat universitetida o`tkazildi. Unda Rossiya Federatsiyasidan tashkilotchilar va talabalardan iborat delegatsiya hamda Janubiy Koreyadan bir guruh talabalar tashrif buyurishdi.
