18-19 may kunlari Qozonda bo'lib o'tgan "Rossiya – Islom dunyosi: KAZANFORUM 2023" XIV xalqaro iqtisodiy forumi doirasida Buxoro davlat universiteti rektori O.Xamidov hamda Iqtisodiyot va turizm fakulteti dekani D.Yavmutov boshchiligidagi delegatsiya Qozon davlat agrar universitetiga tashrif buyurdi. Dastlab delegatsiyaga Qozon davlat agrar universiteti muzeyidagi eksponatlar, universitet tarixi, universitetda faoliyat yuritgan taniqli olimlar, universitet erishgan yutuqlar bo’yicha ma’lumot berib o’tildi. Qozon davlat agrar universiteti rektori Valiyev Ayrat Rasimovich bilan kechgan uchrashuvda ikki tomonlama hamkorlik aloqalari muhokama qilinib hamkorlik memorandum imzolandi. Shuningdek, agrar universiteti rektori boshchiligida ilmiy-amaliy laboratoriyalar, ilmiy izlanuvchilar uchun yaratilgan sharoitlar ko’zdan kechirildi.
Buxoro davlat universiteti Matbuot xizmati