Qozon shahrida xizmat safarida bo‘lib turgan Buxoro davlat universiteti rektori, iqtisodiyot fanlari doktori, professor Obidjon Xamidov Qozon shahri oliygohlarida ta’lim olayotgan talabalar bilan muloqot qildi. Ushbu tadbir Qozon federal universiteti tashabbusi bilan tashkil etildi.
Uchrashuvda BuxDU rektori Obidjon Xamidov O‘zbekistonda yoshlar uchun olib borilayotgan islohotlar, ularning mazmun-mohiyati va kelgusidagi rejalar xususida so‘zlab berdilar. Shuningdek, har bir talaba va vatandoshimizning murojaatiga quloq tutib, ularning hol-ahvoli so‘raldi va kelgusidagi ishlariga muvaffaqiyatlar tilandi.
BuxDU Matbuot xizmati