BUXORO VILOYATIDA HUDUDIY TARMOQLARARO SANOAT YARMARKASI O‘Z ISHINI BOSHLADI
13.04.2023
Buxoro viloyatida hududiy tarmoqlararo sanoat yarmarkasi o‘z ishini boshladi. Yarmarkada viloyat va Respublika hududidan tashrif buyurgan tadbirkorlar, sanoat korxonalari, oliy ta’lim muassasalari, ilmiy tekshirish institutlari o'z mahsulotlari, inovatsion ishlanmalari bilan ishtirok etishmoqda. Yarmarkada Buxoro davlat universiteti professor-o'qituvchilari tomonidan yaratilgan innovatsion mahsulot hamda ishlanmalar taqdimot etildi. Viloyat hokimi B.K. Zaripov tomonidan innovatsion ishlanmalar bilan shaxsan tanishib, kerakli ko‘rsatmalar va topshiriqlar berildi.
Yarmarka doirasida universitet professor-o‘qituvchilarining quyidagi ilmiy-innovatsion ishlanmalari hamda mahsulotlari taqdimot qilindi:
- Universitet huzuridagi “BukhSU Scientific Biotechnology” UK tomonidan tijoratlashtirilayotgan “Mikroskopik suvo‘tlarni ko‘paytirish hamda baliqchilikda qo‘llash” loyihasi;
- Universitet hamda “Sharq Business Solution” MChJ hamkorligida tijoratlashtirilayotgan “To‘qimachilik sanoati uchun resurs tejamkor ohorlovchi polimer-kompozitsiyalar ishlab chiqish” loyihasi;
- Universitet hamda “Novator chorvador” MChJ hamkorligida tijoratlashtirilayotgan “Buxoro viloyatida omuxta yem ishlab chiqarish” loyihasi;
- “Shofirkon gil tuprog‘i asosida tabiiy mineral pigmentlar olish” loyihasi;
- Universitet hamda “Robokit” MChJ hamkorligida tijoratlashtirilayotgan “STEM yo‘nalishidagi kontruktorlar yaratish” startap loyihasi;
- “Buxoro iqlim sharoitida ochiq dalada pomidor yetishtirish agrotexnikasi ishlab chiqish” loyihasi;
- “Buxoro iqlim sharoitida dorivor o‘simliklarni ko‘paytirish va plantatsiyalar tashkil etish” loyihasi;
- “Sianur kislotaning mochevina va tiomochevina almashingan hosilalarining antipiren xossalari tadbiq qilish” loyihasi.
Loyihalar yarmarka ishtirokchilarida katta qiziqish uyg‘otdi hamda universitet rektori i.f.d., professor O.X. Xamidov boshchiligida kelajakdagi hamkorlik istiqbollari muhokama qilindi. Hududiy tarmoqlararo yarmarka 14-aprel kuni ham o‘z faoliyati davom ettiradi.
