Ayni kunlarda Fransuz filologiyasi kafedrasi doktoranti G‘aniyev Fazliddin Zoirovich (2023-yil 15-fevraldan 6-martgacha) Fransiyaning Tuluza Kapitol (Toulouse Capitole) universitetining taklifiga binoan Tillar va madaniyatlar kafedrasi qoshidagi ilmiy tadqiqotlar markazida ijodiy faoliyat yuritmoqda. Xorijiy safar davomida kafedra ilmiy tadqiqotchisi sifatida Fransiyaning mumtoz adabiyotidan "Jan de la Fonten va masalchilik janrida dolzarb mavzular nazariyalari" mavzusi doirasida ilmiy izlanish olib borilmoqda. Fransiyaning janubiy qismidagi "pushti rang shahar' (la ville rose) nomini olgan Tuluza (Toulouse) shahri hamda Tuluza Kapitol universiteti kutubxonalari va muzeylarida ilmiy izlanishlar olib borish, seminar-treninglarda ishtirok etish, professor hamda tadqiqotchilar bilan uchrashuvlar tashkil etish, zaruriy adabiyotlarni olib kelish maqsadida samarali ishlar olib borilmoqda.
