2015 yil 16-21 fevral kunlari Germaniyaning Berlin shaxridagi Boyt amaliy fanlar universitetiga Yevropa ittifoqining PROMIS proyekti asosida seminar tashkil etildi. Seminarda qatnashish maqsadida O`rta Osiyoning har bir Respublikasidan proektga a’zo OTM lari 2 nafar professor – o`qituvchilari bilan qatnashishdi.Shu jumladan O`zbekiston Respublikasidan O`zbekiston Milliy universiteti va Buxoro davat universiteti professor o`qituvchilari qatnashdilar.Seminarda Buxoro davlat universiteti “Axborot texnologiyalari va tizimlari” kafedrasi mudiri T.B. Boltayev va kafedra o`qituvchisi T.R. Shafiyevlar qatnashishdi. Seminarda asosiy maqsad qilib PROMIS proekti asosida tashkil qilinadigan magistratura yo`nalishlarida “Algoritmlar va ma’lumotlar strukturasi” va “Dasturlash” fanlarini o`qitishda ko`zda tutilayotgan muammo va yechimlar ustida ishlash masalasi qo`yildi.Seminarni proyekt raxbari, tashkilotchisi Jan-Mishel Adam boshlab berdi. Seminar ish kunlaridan unumli foydalanish maqsadida “Dasturlash” va “Algoritmlar va ma’lumotlar strukturasi” guruxlari tashkil kilindi va bu guruhlarning o`zi kichik guruhlar bo`linib, o`quv reja(sillabus)da keltirilgan mavzular kesimida mavjud materiallarning tahlili qilindi. OTM lardan borgan har bir seminar ishtirokchisi o`quv rejada ko`rsatilgan mavzular bo`yicha o`zining qisqa taqdimotini tashkil qilib, unda mavzularni o`qitishda qanday muammolar borligini, misollar tanlashda nimalarga e’tibor berishni, mustaqil ta’limni tashkil etish, laboratoriya mashg`ulotlarini o`tkazish tartibi haqida so`z yuritdi. Albatta, taqdimot davomida boshqa barcha OTM vakillari o`z fikrlari bildirib o`tdilar.“Dasturlash” fanini o`qitishda ma’ruza va laboratoriya mashg`ulotlarini o`tkazish bo`yicha o`zlarining tavsiyalarini Frantsiyaning Per Mendesa-Frans universitetetining o`qituvchisi Daniel Bardou, Germaniyaning Boyt universiteti professori Agate Merseron aytib o`tdilar va bu fikrlar guruhlar o`rtasida muhokama qilindi.“Algoritmlar va ma’lumotlar strukturasi” fanini o`qitish bo`yicha Frantsiyaning Per Mendesa-Frans universiteti professori Jan – Mishel Adam, Germaniyaning Boyt universiteti professori Xayke Rippauzenlar o`zlarining tavsiyalari seminar qatnashchilari bilan muhokama qilishdi.Seminar qatnashchilari o`rtasida ma’ruza, laboratoriya mashg`ulotlari, ma’ruza davomida ishlanishi kerak bo`lgan misollar, hamda dars o`tish jarayonida kerakli boshqa materillar ishlab chiqilib, PROMIS loyihasi doirasida ishlash uchun tashkil qilingan http://cours.upmf-grenoble.fr moodle tizimiga barcha materiallar yuklandi.Loyiha doirasida qo`yilgan maqsad – “Algoritmlar va ma’lumotlar strukturasi” va “Dasturlash” fanini o`qitishda yangi pedagogik texnologiyalarni o`zlashtirish, o`quv uslubiy sohada o`zaro malaka oshirish, o`quv – uslubiy ta’minotni o`zaro hamkorlikda yaratib, foydalanish uchun barchaga tarqatish qilib qo`yildi va ushbu maqsad samarali o`z natijasini berdi.Seminarda qatnashib kelingandan so`ng, “Axborot texnolologiyalari va tizimlari” kafedrasi o`qituvchilar o`rtasida yig`ilish(seminar) qilinib, seminarda olingan natijalar va yangi pedagogik texnologiyalar haqida fikr yuritildi va o`zaro muhokama qilindi.
