Malaka oshirish maqsadida BuxDUning 3 nafar professor-o’qituvchilari 4 oylik muddatga AQSHga OTMlarida stajirovka o’tamoqda. Stajirovka davomida o’zlarining mutaxassisliklari doirasida fanlarni o’rganish, tadqiqotlarda qatnashish va tajriba almashish imkoniyatiga ega bo’lishmoqda. Shu bilan bir qatorda AQSHlik talaba va professor-o’qituvchilarga bugungi kunda O’zbekistonda ta’lim sohasida olib borilayotgan islohotlar, O’zbekistonliklar madaniy hayoti va merosi bilan tanishtirish maqsadida O’zbekiston kunlarini o’tkazib kelishmoqda.Turizm va mehmonxona xo’jaligi kafedrasi o’qituvchisi Qilichov Muhriddin hozirda AQSHning Shimoliy Alabama universitetida (The university of North Alabama-UNA) bo’lib, o’z sohasi bo’yicha turli fanlar doirasida izlanishlar olib bormoqda. Shuningdek, universitet professor-o’qituvchilariga Buxoro davlat universitetidagi mavjud salohiyat, ta’lim jarayonlari, xalqaro hamkorlik to’g’risida targ’ibot materiallari bilan tanishtirib kelmoqda. Kuni kecha O’zbekiston Respublikasi bayrog’i qabul qilinganligining 30 yilligi munosabati bilan Shimoliy Alabama universitetida O’zbekiston Respublikasi bayrog’i hamkor universtet mamlakatlar bayroqlari qatoridan o’rin oldi. BuxDU Xalqaro hamkorlik bo'limi