2021-yil 5-oktabrda Malayziyaning Bayneri universiteti prorektori Sulochana Nair BuxDUga tashrif buyurdi. Uchrashuvda BuxDU rektori O.X.Xamidov, Xalqaro hamkorlik bo‘yicha prorektor A.T. Jo‘rayev va Xalqaro hamkorlik bo‘limi boshlig‘i H.U. To‘layeva qatnashdilar. Professor Sulochana Nair hozirgi kungacha O‘zbekiston va Malayziyaning oliy ta’lim sohasidagi hamkorligi, mavjud xalqaro loyihalar, qo‘shma ta’lim dasturlari haqida ma’lumot berib, Buxoro davlat universitetida Bayneri universitetining Global Ta’lim Markazini tashkil qilish bo‘yicha taklifini ma’lum qildi.O‘z navbatida BuxDU rektori tomonidan universitetda tashkil etilgan loyihalar va kelajakda amalga oshirish ko‘zda tutilgan rejalar haqida ma’lumot berildi hamda Bayneri universiteti bilan hamkorlik qilish bo‘yicha takliflar bildirildi. Tashrif doirasida Bayneri universiteti bilan hamkorlik memorandumini imzolash, professor-o‘qituvchilar va talabalar almashinuvini yo‘lga qo‘yishga kelishib olindi.BuxDU Matbuot xizmati
