Qadrli turizm salohiyatiga o`z hissasini qo`shayotgan murabbiylar va yurtning ertasi bo`lgan talaba-yoshlar! !Bugun – 27-sentabr global miqyosda davlatni tanitish, uning madaniyati, o`tmishi va buguni haqida ma’lumot berish yo`lidagi eng go`zal sanalardan biri – Xalqaro turizm kuni sifatida 42 yildan buyon butun dunyoda nishonlanadi. Jahon sayyohlik tashkilotining ma’lum qilishicha, dunyo yalpi ichki mahsuloti hajmining o‘ndan bir qismi, xalqaro investitsiyalarning 11 foizdan ortig‘i turizm hissasiga to‘g‘ri keladi.Turizm – iqtisodiyotning eng faol, yildan-yilga taraqqiy topayotgan, xalqlar o`rtasida iliq, samimiy do`stona aloqalarini mustahkamlaydigan tarixiy-madaniy tanishuv turidir. Bu sohani xususan biz, buxoroliklar juda teran anglaymiz. Ochiq osmon ostidagi muzey shaharda, qadimiy Buxoroda yashovchi har bir vatandoshim bu istiqbolli sohaning guvohiga aylanganmiz. Ma’lumotlarga ko‘ra, yurtimiz sayyohlik ko‘lami va tarixiy joylar soni bo‘yicha dunyodagi yetakchi o‘n mamlakat qatorida turadi. O‘zbekistonda yetti mingdan ortiq me’moriy va arxeologik obida mavjud. Bunday bebaho meros xalqimizning bitmas tuganmas boyligi hisoblanadi.Bugungi sana bilan turizm sohasiga hissa qo`shayotgan har bir soha vakilini, shu yo`lda ta’lim olayotgan har bir talabani chin qalbdan tabriklaymiz. Barcha sohalarda shiddat bilan rivojlanayotgan O‘zbekistonimizning keyingi taraqqiyotining bir qismi aynan turizm sohasiga, xususan, oliy ta’lim muassasalari yetishtirayotgan kadrlar sifatiga bog‘liq. O`zbekistonga kirib kelayotgan har bir mehmonda turizm sohasida ish olib boruvchi insonlarning hissasi katta. Xalqaro turizm kuni bilan yana bir marta qizg‘in qutlab, barchangizga mustahkam sog‘lik, oilalaringizga omonlik, yurtimiz chiroyini, osori-atiqalari, madaniyatini dunyoga tanitishdek xayrli ishlaringizda muvaffaqiyatlar tilaymiz!BuxDU Matbuot xizmati